آذربایجان آغئز خالق ادبیاتئندان یا شیفاهی خالق ادبیاتیندان گؤزل بایاتی لار


خالق ادبیاتی

خالق ادبیاتی

 خوجه نفس نیوز:

وبلاگ گون خان از جمله وبلاگهای غنی بلحاظ درج مطالب ادبی و هنری بویژه در ساحه شعر مردمی می باشد. وبنشر خوجه نفس گاهان به این وبلاگ پربار جهت غنی سازی خود از ادبیّات اصیل ملل تورک و درج آن در نشریاتمان «حیدر بابا» و روزنامه «آزربایجان استار» همتای «تورنتو استار» که به 3 زبان انگلیسی، فارسی و تورکی همچنین به 2 گرافیک لاتین و فارسی-عربی چاپ میشود،  مراجعه و از اشعار و بایاتی های آن فیض می بریم. سابقاً نیز در یکی از پست های وبنشر خوجه نفس نیوز که مربوط به تاریخ ر 6,2012 سپتامبر می باشد، بایاتی های زیبائی از این وبنشر درج کرده بودیم که این بایاتی ها را بنام وبنشر «گون خان» در روزنامه وزین «حیدربابا» منتشر می کنیم.

در جهت انتشار و عمومیت دادن فرهنگ و ادبیات تورک برای گرداننده وبنشر «گون خان» ضمن  آرزوی همواره موفقیت بودن، امیدواریم در اهداف ملی و فرهنگی خود پیروزی کسب کنند.

نئجه کی سؤز وئرمیشیدیم سئچیلمیش بایاتی لارین یازماقینا دوام وئریرم
 
                                                           وطن محبّتی – غربت

81) قوی گئدیم یوردا منی،
تاپیشیرما قوردا منی،
گؤزو یولدا قالان وار،
اؤلدورمه بوردا منی. …  82) بو یولدان اؤتن یاخشی،
گئیمه یه کتان یاخشی،
گزمه یه غربت اؤلکه،
اؤلمه یه وطن یاخشی.

83) آراز گلدی، یان آخدی،
دیبیندن مین جان آخدی،
وطن ساری باخاندا،
اورگیمدن قان آخدی.

84) گزدیم داغی آرانی
سئچدیم آغدان قارانی.
وطن ویران اولسادا،
جنّت گوردوم اورانی.

85) عشق اودونا قالاننام،
یار باشینا دولاننام،
وطندن اَیری دوشسم،
ویران اوللام، تالاننام.

86) یازی یازا بیلمیرم،
قارا پوزا بیلمیرم،
وطن اوردا، من بوردا،
اَیری دؤزه بیلمیرم.

87) تبریزیم، جان تبریزیم،
سنه قوربان تبریزیم.
دوشمنه بویون اَیمه،
مرد اول، دایان، تبریزیم.

88 ) عراقچینی یان قویدوم،
ایچینه بیان قویدوم.
وطنه کج باخانین
اورگینده قان قویدوم.

89) سو دولدوردوم من آرخدان،
دوشدوم الدن- آیاقدان
عؤمروم غربتده کئچیر،
قادان آلیم اوزاقدان.

90) غریبه م، قلبیم دومان
دیلمدن دوشمز آمان،
من دوشموشم گؤرموشم،
سن دوشمه، غربت یامان.

91) چوخانین آغی بیزدن،
بئلینین باغی بیزدن،
دوشمن گلیب یورد سالسا،
آلار خوش چاغی بیزدن.

92) بوردا یولوم اولدو تن،
وارمی بو یولدان اؤتن؟
بو دونیادا شیرین شئی،
بیر آنادیر، بیر وطن.

93) دورنا سانیندان کئچر،
اؤتر سانیندان کئچر،
ایگید وطن یولوندا،
اؤلر جانیندان کئچر.

94) آی قیز آدیم هئچ اولدو،
قوربان دئدین، قوچ اولدو
غربت ائل یارا حسرت،
جاوان عؤمروم پوچ اولدو

آرخا،کؤمک، دوستلوق
95) شفته لییم، آغام من،
هر مئیوه دن چاغام من.
قورخما وفالی دوستوم،
اؤلمه میشم، ساغام من.

96) داغ دؤشنده دامیم وار،
باغیمدا بادامیم وار،
گل قاپیدان گیر، قارداش،
دئسینلر آدامیم وار.

97) من عاشیق داشا دوشر،
ککلیگیم داشا دوشر،
قارداشین موشکول ایشی،
یئنه قارداشا دوشر.

98) عزیزیم قارا باغلار،
آل اوستن قارا باغلار،
یارامی یار باغلاسین،
یار یاخشی یارا باغلار.

99) آرخام، حایانیم قارداش،
هاردا دایانیم قارداش،
باش قویوم دیزین اوسته،
قوی چیخسین جانیم، قارداش.

100) گتیر سازینی، قارداش،
پوزما یازینی قارداش،
بؤیو،اول قوچاق ایگید،
چکیم نازینی قارداش.

101) دایی، دایی، جان دایی،
جان سنه قوربان دایی،
آنام پیلوو بیشیریب،
گل بیزه مهمان دایی.

102) آلمانی آلما، گلین!
آل یئره سالما گلین،
ائوده سؤز- سوو چوخ اولار،
اورگینه سالما گلین!
عشق- محبت، وفا -صداقت، ناز- غمزه
103) گولو دردیم تاب آغا،
قویدوم قالدی صاباحا،
یارا مهمان گئدنده،
دورار چیخار قاباغا.

104) ترلان گلیب بو باغا،
قونور بوداق- بوداغا،
اؤلو اولسام دیریللم،
دیسه دوداق- دوداغا.

105) تبریز اوستو ماراغا،
زولفون گلمز داراغا،
آختاریرام یاریمی،
دوشوب سوراق- سوراغا.

106) آری بال سالی شاندا،
بادان کام آلی شاندا.
چتین اولور آیریلق،
گؤز گؤزه آلیشاندا.

107) عزیزیم قالما قالا،
دینج باشین سالما قالا،
بیز گیزیلین سئویشمیشتیک،
کیم سالدی قالما قالا؟

108) من عاشیقم بوز قالا،
کؤسؤیلری دوز قالا!
شؤوقون یوزومه دوشدو،
یخیلمیشدیم آز قالا.

109) اورگیم باشین اویما،
ساخلا، مارالی سویما،
اوخون سینه مده قالدی،
اؤلدور، یارالی قویما.

110) الیمده یاریم آلما،
یئمه لی یاریم آلما،
دئدیم کی قانلی فلک،
جانیم آل یاریم آلما.

111) گل منی بنده آتما،
خویدان مرنده آتما،
هامی اوز دؤندریبدی،
رحم ائله، سن ده آتما.

112) ساماوار یانا- یانا،
اود دوشوب شیرین جانا.
دانیشیرام کاغیذنان،
دیل قالیر یانا- یانا.

113) من عاشیق، بیر جانانا،
بیر جانا، بیر جانانا،
هر یئتنه جان وئرمه،
جانی وئر بیر جانانا.

114) آی قیز آدین مستانا،
گیرمه بیزیم بوستانا،
قورخورام یاغیش یاغا،
تر شاماما ایسلانا.

115) داغلارین باشی قارا،
دیبی نین داشی قارا،
بو گون من بیز قیز گؤردوم.
گؤزو شوخ، قاشی قارا.

116) عزیزیم گونده دارا،
زولفونو گونده دارا.
سندن الیم اوزمرم،
چکسه لر گونده دارا.

117) بو باغدا نار اولونجا،
هئیوا لار نا اولونجا،
دیل آچار دلی کؤنلوم،
سن منه یار اولونجا.

118) داغ باشینی قار آلیب،
باغچالاری بار آلیب.
هر یئتنه جان وئرمم،
بیر جانیم وار یار آلیب.

119) عزیزیم اویماق اویماق،
ائولری اویماق اویماق،
هر ندن دویماق اولسا،
چتیندی یاردان دویماق.

120) بوستان اکدیم، تاغ با تاغ،
اَیدیم سیندی شاخ بوداق.
بیر سن، بیر من اولایدیق،
بیرده بیر خلوت اوتاق.

121) باشیندا ساری سانجاق،
آغ سانجاق، ساری سانجاق.
کامیم آلماق ایستیرم،
من اوشاق، یار اوتانجاق.

122) دان یئری سؤکولنده
زولف اوزه تؤکولنده.
شئه دوشموش گوله بنزر
آغ اوزدن اؤپولنده.

123) باغچا منده، بار منده،
هئیوا منده، نار منده،
سینه م عطار دوکانی،
هرنه دئسن وار منده.

124) دریا دولو لیل ایله،
یاریم اوینار گول ایله،
هامییا جان باغیشلار،
منی ساخلار دیل ایله.

125) ککیله باخ، ککیله،
ککیل اوزه تؤکوله،
قیامت او گون قوپار،
یار گؤزومدن چکیله.

126) سو گلیر لوله-لوله،
یار گلیر گوله-گوله.
الینده گوللو دستمال،
قان-ترین سیله-سیله.

127) گؤزوم آخدی سنه،
آخدیقجا باخدی سنه.
من سنی قیبله بیلدیم،
قیلدیم بئش واختی سنه.

128) سایدیم اولدوز یوز دنه
بیر تسبحدی، یوز دنه،
او گونوندن قورخورام،
اینجییه سن ،اوز دؤنه.

129) واردی بیر سؤزوم سنه،
دوشوبدور گؤزوم سنه.
پولوم یوخ قوربان آلیم،
قوربانام اؤزوم سنه.

130) سو گلیر پر گله نه،
زولفون باس تر گله نه.
اوزون بیر آی پارچاسی،
گؤسترمه هر گله نه.

131) من عاشیقم جان سنه،
قالمیشام حیران سنه.
یوز قوربان دئین اولسا،
من اؤزوم قوربان سنه.

132) من عاشیق گؤزلرینه،
قوی باخیم گؤزلرینه.
جانیم، جانینا قوربان،
گؤزلریم، گؤزلرینه.

133) من عاشیق خان گؤزنه،
سو تک آخان گؤزونه.
نه سورمه چکیبسن،
ائولر ییخان گؤزونه.

134) یوخ عاشیق گول یوزونه،
شئه دوشموش گول یوزونه،
پریم باغیندان گلیر،
سانجیبدی گول یوزونه.

135) عزیزیم بئله سینه،
دولان گل بئله سینه،
قوی دوروم قوربان اولوم،
گؤزلرین گیله سینه.

136) ازومو در سَبَته،
نه قورخو وار، نه خطه،
ائله یار سئومیشم کی،
سس سالیب مملکته.

137) بو دره درین دره،
سولاری سرین دره.
یاردان جاواب آلینجا،
یالوارمیشام مین کره.

138) آراز اوسته، بوز اوسته،
کاباب یانار کؤز اوسته.
قوی منی اؤلدورسونلر
بیر آلاگؤز قیز اوسته.

139) آراز قیراغی مئشه،
گتیر دستمالین دؤشه.
آراسینا گول دوزوم،
یانلارینا بنؤوشه .

140) داغ اوسته بوغ آغ اولماز،
شوراندا دوز آغ اولماز.
یار یاردان آیری دوشسه،
اورکدن اوزاق اولماز.

141) قاراباغدا یاغ اولماز،
قارا سالخیم آغ اولماز.
یاد یئردن قیز سئونین،
اورگینده یاغ اولماز.

142) اولدوز دؤنوب آی اولماز،
یاز گئتمه سه یای اولماز.
کؤنول سئون گؤزله،
گؤزللیکده تای اولماز.

143)  داغ باشین دومان آلماز،
یار یاری درده سالماز.
یار منه بیر درد وئریب،
یوز ایل کئچه ساغالماز.

144) بو داغی آشماق اولماز،
نارینجی باشماق اولماز.
بیر قؤرو سؤزدن اؤترو
یاریلا ساواشماق اولماز.

145) دورنا تک سوزمک اولماز،
بو درده دؤزمک اولماز.
بیر غمزه، بیر ناز اوسته،
یاردان ال اوزمک اولماز.

146) باهاردا خزل اولماز،
یار یاردان بئزار اولماز.
سئوگی عیبسیز اولسا،
عیبسیز گؤزل اولماز.

147) داغ اوسته اکین اولماز،
اکسن ده اکین اولماز.
ییغیلسا مین بیر گؤزل،
بیری سن تکین اولماز.

148) قاراباغدا قوش دورماز،
دردلی باشدا هوش دورماز.
یاری هر یئرده گؤرسم،
یانمیش دیلیم دینش دورماز.

149) درد الیندن جان دورماز،
یارام چوخدو، قان دورماز.
یار ائله یاندیردی کی،
اود دا بئله یاندیرماز.

150) داغ باشیندا قوش دورماز،
باهار گلسه قیش دورماز.
جاوان اوغلان، جاوان قیز،
یوز آند ایچسه دینش دورماز.

151) گون دوغماسا آی باتماز،
دردلیلر گئجه یاتماز.
عالم منی آتسا دا،
سئوگیلیم منی آتماز.

152) دام اوسته دی دامیمیز،
قوشادی ائیوانیمیز.
سن اوردان باخ من بوردان،
کور اولسون دوشمانیمیز.

153)عاشیق اولدوم تئله قیز،
کمر باغلا بئله قیز.
اونو گوجنن تاپمیشام،
آنا دوغماز بئله قیز.

154) داغلار باشی مئشه دی،
کؤنلوم سینیق شوشه دی،
یارین یارا تحفه سی،
بیر دسته بنؤوشه دی.

155) عاشیق سؤزون نحس دئدی،
گل دیلیمی کس دئدی.
من دئدیم بیر بوسه وئر،
او مندن جان ایسته دی.

156) دیلی نه مزه لیدی،
سئودامین ازلییدی.
من سئودیگیم بو گؤزل
ائللرین گؤزلیدی.

157) گؤزلرین مستدی، ندی؟
یولومو کسدی، ندی؟
یار منی اؤلدورمکده،
بیلمیرم قصدی ندی؟

158) اوزونده خال کیمیندی؟
باشیندا شال کیمیندی؟
لبلری شهدی-شکر،
آغزین بال کیمیندی.

159) باکینین یئلی اسدی،
اسیب صبریمی کسدی.
ساغ گؤزوم سنه قوربان،
سول گؤزم منه بسدی.

160) آراز بورولدو گئتدی،
سویو دورولدو گئتدی.
من دئدیم یار اینجیدی،
دئمه یورولدو گئتدی.

161) او تای بو تایا باخار،
آرخاسیندان چای آخار.
چیخسیسن گؤزلریم، اگر،
سنسیز دونیایا باخار.

Advertisements

ممنون از دیدگاهی که گذاشتید.

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

%d وب‌نوشت‌نویس این را دوست دارند: