اولوسلار آراسی پول صاندیغینین (ای.ام.اف) ۲۰۱۱ دونیا اکونومیک گؤرونوم راپورونا گؤره، تورکمنیستان ۲۰۱۱ ایلینده اکونومیک بؤیومه آچیسیندان باغیمسیز دؤلتلر توپلولوغو اؤلکهلری(مشترک المنافع جامعهسی) آراسیندا لیدر اولاجاق
ای.ام.اف راپورونا گؤره، تورکمنیستان اکونومیسی بو ایل یوزده ۹ بؤیویهجک. راپوردا، تورکمنیستانین دونیا دوغالقاز فیاتینداکی آرتیشدان یارارلاناجاغی و گوجلو بیر اکونومیک بؤیومه ایله بؤلگهسینده لیدر قونوما (موقعیته) گلهجگی قید ائتدی.
راپورا گؤره، ۲۰۱۱ ایلینده تورکمنیستان ایله بیرلیکده اؤزبکیستاندا دا اؤنمی بیر اکونومیک گلیشمه یاشاناجاغی بلیرتیلدی. باغیمسیز دؤلتلر توپلولوغو اؤلکهلری اکونومیسی بو ایل یوزده ۵، ۲۰۱۲ ایلینده ایسه یوزده ۴،۷ بؤیویهجک.
بو آرادا، ای.ام.اف راپورلارینا گؤره قازاقیستان اکونومیسی بو ایل یوزده ۵،۹، ۲۰۱۲ ایلینده یوزده ۵،۶، قیرغیزیستان اکونومیسی ۲۰۱۱ده یوزده ۵، ۲۰۱۲ ایلینده یوزده ۶، تاجیکیستان اکونومیسی ۲۰۱۱ده یوزده ۵،۸، ۲۰۱۲ ایلینده ایسه یوزده ۵ بؤیویهجک.
سوویئتلر بیرلیگینین داغیلماسینین آردیندان قورولان باغیمسیز دؤلتلر توپلولوغو اؤلکهلرینده روسیا، اوکراینا، بیلاروس، قازاقیستان، قیرغیزیستان، آذربایجان، ارمنیستان، مولدووا، تاجیکیستان، اؤزبکیستان و تورکمنیستان عضودیرلر.
ممنون از دیدگاهی که گذاشتید.