ایران ترکمنلرینینگ مدنی و سیاسی اوجاغئنئنگ طراپئندان پالتالک و رادیو تی وی گپلشیکلر


ماغتیمقولی پیراغی وبوگون 

پالتالک و تی وی

پالتالک و تی وی گپلشیک

اشارات: بو ییل مای آیینینگ ییگریم اوچونده اوروپا وکانادا تورکمنلری نینگ تاراپیندان «تورکمن مدنی، ادبی و صونغاتی» آدلی اینترنت اوتاغیندا (پالتاک دا) ، بییک ماغتیمغولی پیراغی نینگ دوغولان گونونه باغیشلانیپ اوتورشیق گچیریلدی. اول یرده آیدان سوزلریمی کاغیذا گوًچوریپ، اینترنت سایت لاریندا غویماغیمی تکلیپ اتدیلر. 

ابراهیم بدخشان– 28 مه 2010 – 07 خرداد 1389  

 غوُرقا-غوُرقا ایفلاس یاغدایا دوشدوک
تاقدیر نأمه بوُلسا گوًرولسین ایندی،
پیکیر غازانیندا غاینادیق،بیشدیک
دِگمه غان جوُش ایلأپ اورولسین ایندی. …
 ماغتیمغولی پیراغی حاقدا سوًز آچماق آنگسات دأل،هرکیم اوًز اوقان و اوًوره نن اوغرونا لاییق لیقدا اوُل بارادا کوًپ زاتلار بیلیأندیر، شونونگ اوچین من بو گوررونگه باشغاچاراق آرالاشماق ایسله یأرین. دوُغوردانام پیراغی حاقدا آیدیلمادیق سوًز یازیلمادیق یازغی غالدیمیقا دیییپ بیر حیلی آلادا ادینیأرین. اوُل بییک اینسانینگ یاشاییشی بارادا، دوًوری حاقدا، غوُشغی لاری بارادا، سیاسی ایده یالاری حاقدا، دینی و فیلوسوفیکی اندیشه لری بارادا و….. یازیلمالی زاتلاری غوتارار یالی دأل. تورکمن عالیملارینینگ پیراغی حاقدا آیتمادیق، یازمادیق زاتلاری یوق دیر دیدیریأره م ولین دوُغوردانام بو شیله می؟ بییک پیراغی نینگ دنگیزینی یوزوپ آنگیرسینا یتیپ بولیارمی، اونونگ آچیق آسمانینی اوچوپ غوتاریپ بوُرمیقا؟

دوُغاما دوش گِلن گوًگه رِر گول دِک
گولونگ موًوسومی دِک دوًوران تاپیلماز
غاهریمینگ آتاشی کوًیدورِر کول دِک
کول اوُرنوندان غایدیپ بوُستان تاپیلماز
.   

پیراغینگ دوًورونی تاریخی تایدان اوًوره نمک و اوُل بارادا گوررونگ گچیرمک، اوُل اییأم تاریخ چیلانگ ایشی، پیراغینگ دیوانینی اوًز دوًووردِش ادبیاتی بیلن درنگأپ، اوُنی کسگیت لمک و ایل کوًپچولیگینه آچیقلاپ برمک عالیملارینگ، ادبیاتچی لارینگ ایشی. من بو تِمالارا بورنوم سوُقوپ بیلمِرین. من دینگه بیر تورکمن شاحیری حوًکمونده، اوُنگاریپ بیلسِم پیراغینگ شیغیرلارینی غایتالاپ-غایتالاپ اوُقارین، دویغولانارین، باشارسامدا اوُنونگ شیغرییه تی بارادا ایکی آغیز گوررونگ بریپ بیله رین. آلتینینگ باهاسین کِسگیتله مک اوچین اوُنی زرشیناس لارا تابشیرماغیمیز گِرِک.   

پِلِک بازی برمیش جومله – جاهانا،
مِنینگ ایغتیاریم بِرمه پِلِگه،
کوًنگول غوشی اوچوپ گیتسه هریانا،
مأتأچ اتمه غانات، غویروق، یله گه.
پیراغینگ دیوانینی الینگه آلیپ، گوًزدن گچیریپ باشلانگدا، اوُنونگ دوردأنه سوًزلری شیله بیر سنی غورشاپ آلیار ولین، سن بو دونیه دن اوزولیپ، شاحیرینگ شیغرییه ت دنگیزینه چوموپ گیده نینگی دویمان غالیانگ.
کأبیر غوُشغولاریندان دوُیوپ بیلمرسینگ، غایتالاپ-غایتالاپ اوُقاسینگ گِلر، کأبیر سوًزلرینه عاقیلینگ چاتماز، آنگلاجاق بولوپ چکه له شرسینگ-ام ولین، بیر هیلی سنی حالامایان یالی سانگا یول برمز. امما کأ شیغیرلارینگ باشینی باشلارسینگ-دا سوُنگلاپ بیلمرسینگ، سنینگ یوره گینگه واینام لارینگا غابات گلمز. یوًنه شوُل واغتینگ اوًزونده باشغا بیر تورکمن بالاسی ادیل شوُل سانگا غابات گلمه یأن غوشغینی اوقاپ، گوًزلرینه یاش تگه لأپ، اوُنی اوًزله شدیریپ، اوُنگا دوُلی دوشونیپ اوتوراندیر. بونأمه بیله کأن؟ دیییپ، سن اوًزونگه سوُراغ بره رسینگ و بو سوراغ سنینگ اوچین بیر تِمانینگ باشی بولوپ بیلر.   

پیراغینگ دیوانی نینگ صاحیپالارینی آغتارامیزدا، اول یرده دورلی-دورلی تمالارا غابات گلیأریس. کأبیر غوشغولارینگ ماضمونی باشغابیر غوشغی نینگ سطیرلرینده یازیلان زاتلار بیلن اوغورداش دأل، غایتا غاپ- ماغارشی-دا دوریار. غوشغولاری شیغرییه ت تایدان هم بارلانگدا کوًپ اویتگه شیک لیکلر یوزه چیقیار. بو مِسه له عالیم- لارینگ آراسیندا دورلی پیکیرلری آرا تاشلاپ بیلیأر.   

ماغتیمغولی نینگ دیوانینا هر کیم اوًزوچه غارایار، هر آدام اوًز گِره گینی آلیار، شونونگ اوچین تأزه-تأزه پیکیرلر و اویتگه شیک ایده یا لار یوزه چیقیار. بو بیر غوُوی زات، یوًنه بو غووی زاتلار آغیزالالیغا سبأب بوُلمالی دأل دیر. منینگ پیکریم بوُیونچا پیراغی نینگ غوشغولارینینک دورلولیگی کأمیل لیگینگ نیشانی دیر. پیراغی یاشلیغیندان سوُنگ دِمینه چنلی، هرگون، هردم کمال تاپاندیر. کأمیل لیگه اوییان اینسانلار بوگونکی گویچلی پیکیرینی دوینکی عجیزرأک سوًزی بیلن آنگسات چالیشیپ بیلیأندیرلر. اوُنگا تأصیپ ادیپ اوُل حاقدا جدل، داوا ادیأن دأل دیرلر.   

پیراغی المیدام اوًوره نیپدیر، اوًوره دیپدیر، گزیپ گوًروپدیر، گوًره ن زاتلاری بارادا اوُیلانیپدیر. کوًپ کیتاپلار اوقاپ کوًپ هم یازیپدیر. پیراغینگ کأمیل لیگه اوییان عوًمرونی بِللی-بللی یاش تاپغیرلارینا بوًلمک بولار. اوُنونگ یاشلیغی، طالیپ واغتی، دینی غوشغولار مِنگلی غیزینگ عیشغی وآیرالیق، اوُرتا یاشلاردا ایل-گونونگ آلاداسی،اوًووت-نصیحات لی غوشغولار، میللی وسیاسی ایده یالار، یاش اولی واغتی عرفانی وعوًمرونینگ سوُنگ لاریندا فیلوسوفیکی شیغیرلار. البتده بو بوًلونمه پیراغینی اوًوره نمک اوچین دیر یوُغسا اوُنونگ دوًره دیجی لیگی بیری-بیرینه اریش-آرغاچ یالی باغلی دیر. اوُنونگ کأن سانلی غوُشغولارینی آنگساتلیق بیلن بللی بیر دوًووره باغلاپ بوُلماز. میثال اوچین آدام عوًمرونی، دوُغولیشدان اوًلومه چنلی حِرِکتلی واصپ ادیأن شیغیرلارینگ سانی کوًپ دیر. پیراغی بو حیللی غوشغولاریندا بیر اینسانینگ باشدان-آیاق عوًمور دوُوامینی آیدیار یوًنه اولاردا ایزارلا نیان پیکیر هر بیرینده باشغاچا-راقدیر. دییمک شاحیر اینسان عوًمرونه باشقا بیر حیلی غارایان بوُلسا، اوُرتا یاشلاردا و یاشولی واغتلاریندا دویپ دن باشغاچا غارایان اکن. بو میثالی به یله کی تمالارادا گینگه لدیپ بیله ریس و بو اوًسوشی شاحیرینگ توتوش دیوانیندا-دا گوًرمک بوُلار.   

من بو یرده ینه بیر زادی نیغتاپ گچه سیم گلیأر. بیز پیراغی نینگ غوشغولارینی اوُقا- یاریس، اوًوره نیأریس،اوُنی تورکمن ادبیاتی نینگ اولی سوتونی حوًکمونده سوًییأریس، اوُنگا غووانیاریس. یازغی لاریمیزدا، گوررونگ لریمیزده اوُنونگ عاجاییپ بِیت لرینی میثال ادینیأریس، اوُنونگ دوُغولان گونی تورکمن ایلی اوچین بیر میللی گون بولوپ، بیز اونونگ شانینا هر ییل اولودان-اولی بایراملار گچیریأریس. البتده بییک پیراغی بو ایش- لرینگ بارینا سزه واردیر. یوًنه بیز! اوُنونگ شیغیرلاری نینگ آیناسیندا اوًزومیزه سِره- دن واغتیمیز، اونونگ کلامینا لاییق می! سزه وارمی؟ اونونگ آرزوولارینینگ دنگیزینده یوزمه گی باشاریاریس می؟ اونونگ دییه نلری نینگ هی بولماندا کأبیرینی یرینه یتیریأریس می؟ بییک پیراغینگ، تورکمن لره اینگ اولی وصیِتی بولان آغزی بیرلیک حاقدا تابشیریپ گیدن ایده یاسینی دولی دوشونیپ دیریس می، اونی اوًزومیزه ساپاق ادینیأریس می؟   

کملیک اِیله ، کمال بار ، منلیک اتمه ، زوال بار.   

حوُرماتلی دوستلار، غووانچلی تورکمن بالالاری، هاچان-دا آرامیزدا چالاجا آغزالالیق دوًرأنده، بیری-بیریمیزدن اوًتونچ سوُراماغی باشارساق، بیری-بیریمیزی باغیشلاپ بیلسک اینها شوُندا آغزی بیرلیگه غوُلایلاپ بیله ریس، دورلی پیکیرلی بولساقدا یوره گیمیرینگ بیرلیگینی ساقلاپ بیله ریس. اوُی لاریمیزینگ، ماقصادلارمیزینگ اویتگه شیک بولماغی اولی بایلیق دیر، اوُنی غوُراپ، دورلی لیکده بیره ک-بیره گه جیداپ، بیره ک-بیره گی سیلاپ، اغزی بیر بولماغی اوًوره نمه لی.   

قوُجا دوتارینگ کیریش لرینینگ چکیمی اویتگه شیک بولسادا، غورولان سونگ، ایکی سیندن شِیله بیر یاقیملی اوُواز چیقار ولین، واخ بیزینگ یوره کلریمیزینگده تارلاری بیرگون شِیله غورولارمیقان دیدیریپ چونگ حاسراتا باتیریار.%   

کانون فرهنگی وسیاسی خلق ترکمن
Advertisements
نوشته شده در مناسبتها. برچسب‌ها: . Leave a Comment »

ممنون از دیدگاهی که گذاشتید.

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

%d وب‌نوشت‌نویس این را دوست دارند: